Introdución

Nesta parte da nosa páxina podes consultar a forma correcta dos apelidos galegos, un rico tesouro que de cada un e cada unha de nós depende que se conserve. Desde o ano 1999 (lei 40/1999) facilitouse o trámite para a restauración ou galeguización dos apelidos. Se tiveres calquera problema nesta tramitación, podes transmitirllo á Liña do Galego para que che asesoren e xestionen as solucións, ben no teléfono 902 10 64 74, ben no correo-e linhadogalego@amesanl.org.

Na sección "Listaxe de apelidos" recollemos unha relación que agardamos que sexa da vosa utilidade e que ten vocación de exhaustividade, polo que se irá ampliando paulatinamente e agardamos que poidades colaborar connosco neste proceso.

Na sección "A caixa dos apelidos" reproducimos os artigos elaborados por Gonzalo Navaza en 1999, cando ao pouco de se aprobar a antedita norma legal A Mesa e o periódico A Nosa Terra realizaron unha campaña conxunta para divulgar as formas correctas da nosa onomástica.