É importante que as entidades bancarias ou de aforros coñezan de primeira man o teu interese na súa galeguización. Que saiban que a ti, como clienta ou cliente, che importa moito a lingua en que te atenden, como servizo de calidade.

Na campaña que até agora desenvolveu A Mesa, viuse que cando a presión da clientela existe de verdade se producen resultados. E estes conseguíchelos ti!

Por iso, agora propómosche que escribas aos bancos e ás caixas de aforros, tanto a aquelas das que sexas cliente como ás outras, e lles fagas chegar directamente o teu parecer.

Propomos tamén uns textos-modelo para copiar e pegar, aínda que, se o preferires, tamén podes facer outras cartas máis personalizadas.

Verás que só che levará oito minutos. Así terás uns servizos de maior calidade e para o galego significará un paso histórico.