Recibo con grande alegría a noticia de que CAIXANOVA vai incorporar neste ano 2006 o galego como lingua de uso normal e preferente.

Quero que saiba que valoro esta decisión como unha mellora dos seus servizos, que sen dúbida redundará nunha maior satisfacción por parte de todas as súas clientas e clientes.

Maniféstolle tamén o meu desexo de que este proceso de galeguización se intensifique todo o posíbel, de xeito que todos os documentos da entidade, aplicacións informáticas e publicidade, poidan estar, en breve prazo de tempo, na lingua que nos une como galegas e galegos.

Reciba un cordial saúdo,