Descarga aquí os modelos de escrito:

Fomato .doc

Formato .pdf

Aquí podes descargar un modelo de escrito de reclamación válido para calquera centro do SERGAS.

Fomato .doc

Formato .pdf

NON O DUBIDES: acudir a calquera centro médico ou hospitalario e demandar o uso do galego É UN DEREITO que a todas/os nos asiste. Se non cho garanten, RECLÁMAO!

Malia que a xestión e funcionamento das diferentes instalacións sanitarias galegas foi transferida á Xunta de Galiza –que creou o SERGAS –xa hai varios anos, un simple paseo por calquera centro de saúde ou complexo hospitalario de calquera das nosas vilas ou cidades fainos pensar que realmente a rede sanitaria pública depende de Madrid, Castela ou Andalucía: determinada sinaléctica estándar está normalizada (mais nin de lonxe toda a que hai), porén escritos e avisos do día a día dos centros aparecen unicamente en castelán; do mesmo xeito acontece coa atención ao público, telefónica e persoal, onde a lingua galega e os dereitos das persoas galegofalantes son excluídos.

O SERGAS, e todo o seu persoal sanitario, depende da Xunta e é, como tal, galego, ao servizo dunha sociedade cunha lingua de seu, o galego, que emprega maioritariamente.

Esta campaña, iniciada pola Mesa de Lugo, estase a estender a toda Galiza. Non deixes que conculquen os teus dereitos lingüísticos!

TEMOS LINGUA PROPIA. QUEREMOS VIVIR NELA.

Hai un cuarto de século que o galego conseguiu un recoñecemento oficial que, aínda que foi insuficiente, o situaba no Estatuto de Autonomía como “lingua propia de Galiza”. Porén, o noso idioma, o único “idioma propio” que ten Galiza, continúa aínda moi por debaixo dos mínimos de cooficialidade.
O Día das Letras non é momento para a retórica nin para a propaganda vacía. As persoas e entidades que apoiamos este manifesto reclamamos as medidas e as accións para garantir o dereito de todos os galegos e todas as galegas a poder vivir en galego. Porque sabemos que, cunha política lingüística decidida, o galego terá garantido o seu futuro.

Ilumina o galego. Chama ao 902 513 513 e galeguiza a túa factura.

Se es cliente de Barras Eléctricas, chama ao teléfono 902 513 513 e pide que che envíen as facturas en galego.

A Zona de Lugo da Mesa pola Normalización Lingüística conseguiu un compromiso da empresa Barras Eléctricas para que todo cliente que así o manifeste poida ter a facturación na lingua de Galiza sen ningún tipo de problema. Só con chamar ao teléfono de atención.

Ademais, Barras Eléctricas comprometeuse a informar a toda a súa clientela da existencia desta opción.

A Mesa considera isto un primeiro e importante paso. Unha demostración de que co traballo activo e o debate se conseguen adiantos.

A organización continuará a traballar para que Barras Eléctricas realice a información á clientela por defecto na lingua do país, tal e como o seu día conseguiu con Telefónica ou Caixa Galicia.

Para que ese novo paso se produza tamén é importante que Barras Eléctricas reciba a demanda de centos de clientes e clientas.

RECLÁMALLE ao Concello de Lugo a galeguización do servizo ORA.

POR UN ESTATUTO DE NORMALIDADE PARA O GALEGO

A Mesa pola Normalización Lingüística desenvolve unha campaña para lles solicitar aos portavoces dos grupos do PSdG-PSOE, BNG e PP o apoio para que no novo Estatuto se recoñeza ao galego todas as garantías dunha lingua oficial.

Podes solicitar material por correo electrónico, por fax: 981 58 37 82, por teléfono: 981 56 38 85 ou correo postal (Apartado 247; 15705 Santiago de Compostela).

A MESA E AS CIBERIRMANDADES COLABORAN NESTA PROPOSTA

A contratación de viaxes a través de Internet estase a facer máis común en Galiza. Sobre todo se temos en conta que cada vez máis compañías aéreas de baixo custe están comezando a traballar nos aeroportos galegos.

Nunha análise ás páxinas web destas empresas, vemos que a grande maioría utilizan a toponimia galega deturpada. Non só isto, senón que ningunha delas ten unha versión en galego. Isto último é máis relevante aínda cando algunhas delas si que teñen versión noutras linguas oficiais do estado ademais do castelán.

A proposta da Mesa pola Normalización Lingüística e da Ciberirmandade é que as persoas sensibilizadas coa cuestión da lingua envíen correos electrónicos ás compañías aéreas que operan desde Galiza e aos buscadores de ofertas de viaxes correos electrónicos que non teñen en conta que tamén teñen clientes galegos. A idea é demostrarlles que hai unha demanda, e que hai un número importante de clientes ou potenciais clientes seus que teñen moi en conta a presenza ou non do galego como parte dos servizos de calquera empresa.

Colabora enviándolle a túa queixa!

SOLICITA E ESIXE SERVIZOS DE CALIDADE A ESTAS COMPAÑÍAS:

CHAMA:

• Calquera compañía telefónica ofrece aos seus clientes con contrato a posibilidade de emitir as facturas en galego. Solicita ese servizo. A chamada é gratuíta.

• Vodafone ten un servizo de atención ao cliente en galego das 8 h ás 24 h. Solicítao chamando gratuitamente a 123. Esixe tamén a atención en galego as 24 horas do día. Nestes momentos non hai opción de atención en galego para os contratos de empresas.
  

• Movistar ofrece só para os clientes con cartón prepagamento a activación de todos os servizos en galego. Chama ao 220 e actívao. Os clientes de contrato non dispoñen de atención en galego; deixa a túa queixa no 609. Unha vez estabelezas contacto co teu interlocutor, pide que che pasen co 'coordinador', que é quen realmente debe receber as queixas. A chamada é de balde. Outra opción é chamar ao Centro de relación co cliente, é o 109 desde o telemóbel ou o 1486 desde o fixo. Tamén podes deixar a túa queixa a través de internet na seguinte web.

• Amena non dispón de servizo de atención ao cliente nin mensaxería en galego, deixa a túa queixa, sen custe ningún, no 470 se chamas desde un móbil Amena, ou no 656 00 14 70 se chamas desde outro teléfono. Si que é posíbel activar o teu correo de voz en galego, así que non deixes de facelo.

ENVÍA:

• cartas ás compañías de telefonía móbil solicitándolles a utilización do galego con normalidade:
  
  Orange *
  Parque Empresarial La Finca
  Paseo del Club Deportivo nº1, Edificio 8, 28223 Pozuelo de Alarcón (Madrid)
  
  Telefónica - Móviles *
  Pza. Independencia, 6
  28001 Madrid
  
  Vodafone *
  Avda. de Europa, 1 (Central)
  Parque Empresarial La Moraleja - Alcobendas
  28108 Madrid
  
  (* Modelos de carta actualizados dispoñíbeis en breve.)
  
  

• cartas aos fabricantes de teléfonos solicitando a inclusión do idioma galego entre as opcións das terminais. Podes descargar aquí as cartas modelo e aquí os enderezos a onde mandalas.

• carta de parabéns a Alcatel por ser a primeira compañía que ofreceu o galego en todos os seus telemóbeis.

• carta de parabéns a Movistar por incluir o galego no terminal Grundig 402i.

AUDASA (Autoestradas do Atlántico)

Solicita o uso do galego na sinaléctica, nos tiquets, etc.

Descarga a carta modelo AUDASA:

Word (32 Kb)

Formato PDF (40 Kb)

Podes enviala por correo postal ou electrónico:

Autopistas del Atlántico, CESA
Alfredo Vicenti, 15  -  A Coruña 

a9@audasa.es