Actualidade / Últimas noticias
AS PONTES:- Convocada a 5ª edición do certame "As Boliqueiras"
A novidade deste ano é que se poderán presentar traballos en formatos audiovisuais
O tema dos traballos será a figura e a obra de Álvaro Cunqueiro
O prazo máximo para a entrega dos traballos finalizará o 16 de abril. Os premios entregaranse no transcurso dun acto que se celebrará o día 27 de abril.
Documentos
As Pontes
Na Mesa das Pontes celebramos xuntanzas cada 15 días para falarmos dos temas que nos ocupan e preocupan en cada momento. Tamén mantemos un contacto regular mediante correo electrónico: a forma máis sinxela e rápida para estarmos todos/as ben informados 24 horas ao día!
Ademais das actividades que realizamos cada ano (a homenaxe a Castelao no aniversario da súa morte e o certame temático “As Boliqueiras”), levamos a cabo diferentes accións ben por suxestión dos/as integrantes, ben por solicitude dun particular/grupo que pide apoio.
Algúns puntos nos que estamos a traballar ou nos que traballamos ultimamente son:
-Seguimento permanente das accións do Concello para garantir que se cumpra a Ordenanza Municipal de Normalización Lingüística (isto inclúe o envío de cartas cada vez que hai algunha incidencia, o diálogo directo co Concello e a presenza da Mesa nas xuntanzas da Comisión de Seguimento da propia Ordenanza).
-Entrega de etiquetas en galego con lemas do tipo “Parabéns”, “Un bico forte”, etc. aos comercios ponteses para o seu uso nos paquetes de agasallo.
-Creación, xunto co Concello e a Cámara de Comercio, do premio “O Tesouro” para es empresas da vila que fomenten o galego.
-Organización da concentración “Paremos os ataques contra o galego” xunto coa plataforma cidadá Queremos Galego con música e lecturas de artistas ponteses seleccionadas para a ocasión.
-Envío de cartas a empresas como Endesa e Gamesa solicitando o emprego do galego na facturación e correspondencia e cos clientes no primeiro caso, e a xeración de documentación de empresa (manuais, nóminas, etc.) na nosa lingua no segundo caso.
-Envío de cartas á Parroquia das Pontes pola diminución de uso do galego nos servizos relixiosos.
-Xuntanzas preliminares co grupo folk Muxarega para:
- Inclusión dunha clase-concerto nos programas do curso 2011-2012 dos centros de ensino ponteses e a súa posible “exportación” a outras zonas.
- Realización dun obradoiro de panxoliñas en galego para meniños/as durante as vacacións do Nadal.
Podédesnos atopar en:
Biblioteca Municipal
Avda. de Castelao s/n
15320 As Pontes (A Coruña)
Correo electrónico: moninha2@hotmail.com
Persoa de contacto: Mónica da Silva
Algúns dos nosos actos
Imaxes da homenaxe a Castelao e do certame As Boliqueiras