Ourense

Páxina das actividades da mesa na zona de Ourense.

Actualidade / Últimas noticias

24/01/2013

Queremos Galego de Ourense apoia a manifestación do domingo 27

 

A plataforma cidadá pediu en rolda de prensa "máis galego na escola"

 

Queremos Galego chamou a toda a cidadanía ourensá a facer da mobilización deste domingo polas rúas de Compostela un novo fito histórico en defensa da nosa lingua

 


 

A Zona de Ourense da Mesa está formada polas socias e os socios das comarcas de Allariz-Maceda, A Limia, Celanova-Baixa Limia, Monterrei e Ourense.


Podemos gabarnos de que nos anos noventa A Mesa desenvolveu en Ourense unha intensa campaña polo recoñecemento legal do topónimo: "OUrense, por dignidade".


Na actualidade temos reunións periódicas nas que marcamos os obxectivos que debemos cumprir cada ano que comeza a prol da normalización da nosa lingua. Así, por exemplo, solicitámoslle ao Concello de Ourense a normalización do rueiro da cidade, do que obtivemos resposta positiva. Esta tarefa estase a desenvolver en varias fases, segundo a dispoñibilidade orzamentaria. Participamos da vida sociocultural da nosa zona polo que, todos os anos, temos presenza na festa dos Maios coa confección dun maio e das coplas; organizamos comparsas para participar no Entroido e, xunto con outras asociacións da cidade, organizamos o I Magosto na Rúa, con participación activa e aberta a todas as idades.
 
Desde a súa creación, colaboramos coa Plataforma Cidadá Queremos Galego nas diferentes campañas desenvolvidas (como foi a recollida de sinaturas a prol da ILP "Pola garantía dos dereitos lingüísticos") ou con iniciativas propias da nosa zona, como foi o Camiño pola Lingua, os actos do Día das Letras e o Roteiro de Alexandre Bóveda.

 

Enderezo electrónico: amesa.zonaourense@gmail.com