Dna. Maria González Albert, en nome e representación do Grupo Municipal do BNG no Concello de Ourense, apresenta a seguinte MOCIÓN ao Pleno da Excma. Corporación Municipal para o seu debate e posterior aprobación:

Exposición de motivos:

O proxecto do actual Festival Internacional de Cinema Independente xenerou-se con un carácter persoal, o que provocou que non fora debatido no seu momento nen no modelo nen nos termos necesários para a sua posta en funcionamento.

Este nacimento en falso fixo que o Festival non se puidera converter, en nengun momento, nun proxecto asentado nen na sua xestión, nen na sua dirección, nen na sua identidade. Asi, mudou a forma da sua dirección, que aos poucos anos do seu início pasou a converter-se nun Padroado. Houbo ao tempo contínuos cámbios de xeréncia, chegando a haber até 5 persoas distintas ao frente do Certame cando se cumple a oitava edición do mesmo.

A dia de hoxe, o Festival de Cinema de Ourense non ten modelo próprio nen identidade, o que o leva a ter escasa (ou nula) repercusión fora da cidade; nen en Galiza, nen no resto do Estado, nen internacionalmente.

• Por ese motivo o BNG propón unha alternativa para mudar a concepción actual do Festival, convertindo-o no Festival Galego do Cinema, cunha aposta nacional por Ourense como foro do Audiovisual e un claro apoio da Xunta de Galiza.
• Este cámbio na própria concepción do Festival teria de levá-lo a unha especialización que o singularice, polo que propomos que este festival funcione como unha ponte cultural, unha porta de entrada ao cinema de língua galego-portuguesa no noso país.
• Ao tempo, consideramos fundamental dotar de estabilidade ao seu aparello administrativo e técnico. O Festival será a parte fundamental do Cinema-Concello, un proxecto moito mais amplo que se ubicaria na actual Biblioteca Provincial, pasando a ser esta a sede do Festival, a principal sala de proxección do mesmo, a videoteca e cinemateca municipal e veículo de conexión entre o Cine-Clube e o Festival.
• Por todo o anteriormente exposto solicitamos do Pleno da Corporación municipal a adopción do seguinte

ACORDO

• Que o Concello de Ourense solicite da Xunta de Galiza que o Festival Internacional de Cinema Independente de Ourense se convirta no Festival Galego do Cinema, facendo unha decisiva aposta pola sua criación e promoción.
• Que se inícien os contactos necesários para que as instalacións que actualmente ocupa a Biblioteca Provincial sexan destinadas ao Cinema-Concello.

Ourense, 15 de Setembro de 2003

Asdo.- Maria González Albert

AO ILMO. SR. ALCALDE DO EXCMO. CONCELLO DE OURENSE