 A
LEI DO USO DO GALEGO COMO LÍNGUA OFICIAL
POLAS ENTIDADES LOCAIS
(D.O.G.: nº 124. 30/6/88)
Lei 5/1988,
do 21 de xuño,
do uso do galego como língua oficial
de Galiza polas entidades locais.
A língua galega constitue
o principal património cultural da nosa
Comunidade, como sinal del identificación
e diferenciación de Galiza. O Estatuto
de Autonomía, no artigo 5º, recoñece-a
como língua própria dos galegos,
e o artigo 4.1. da Lei de Normalización
Lingüística declara o galego como
língua oficial da Administración
local.
Polas razóns expostas,
e en coherencia cos mandatos estatuarios e legais,
é preciso impulsar a normalización
lingüística na Administración
local, e para este efeito a Xunta de Galiza,
no marco da sua política de promoción
da normalización lingüística,
debe colaborar na medida do necesario cos esforzos
das entidades locais a prol do uso normalizado
da língua galega na sua documentación
oficial, sen prexuízo de empregar ademais
a outra língua oficial, se así
o decide, neste caso, a respeitiva entidade.
A finalidade da presente Lei
é a de estabelecer un criterio
normativo impulsor do progresivo proceso de
normalización do galego na Administración
local, na procura dun clima social e político
que multiplique os esforxos que se veñen
realizando para a recuperación do uso
normal da nosa língua.
Por todo o exposto, o Parlamento de Galiza aprobou
e eu, de conformidade co artigo 13.º 2 do Estatuto
de Galiza e co artigo 24 da Lei 1/1983, do 23
de febreiro, regulamentadora da Xunta e do seu
Presidente, promulgo, en nome de El-Rei, a Lei
do uso do galego como língua oficial
de Galiza polas entidades locais.
Artigo
1
1. As convocatórias de sesións,
ordes do día, mocións, votos particulares,
propostas de acordo, dictames das Comisións
informativas e actas das entidades locais de
Galiza redactaran-se en língua galega.
2. Sen prexuízo do disposto no apartado
anterior, as devanditas entidades poden facé-lo,
ademais, na outra língua oficial.
Artigo
2
1. Corresponde-lle á Xunta de Galiza
o impulso do proceso de incorporación
da língua galega na Administración
local, moi especialmente a través de
programas de formación de funcionarios
en língua galega.
2. Sen prexuízo do anterior, a Xunta
de Galiza adoptará as medidas oportunas
para que nos concursos de aceso de funcionarios
á Administración local se garanta
o coñecemento da língua galega.
DISPOSICIÓN
TRANSITORIA
1. As entidades locais que non estean en condicións
de incorporar de contado o galego como língua
normal nos actos da Administración dispoñerán
dun prazo de dous anos a partir da publicación
desta Lei para adoptar acordo sobre a realización
material do disposto nela e dar-lle cumprimento.
2. A Xunta de Galiza elaborará un programa
de actuación co obxeto de garantir que,
ao cabo do prazo sinalado no parágrafo
anerior, todas as entidades locais de Galiza
estean en condicións de cumprir o preceptuado
nesta Lei.
Santiago de Compostela,
21 de xuño de 1988
Fernando Ignacio González Laxe
Presidente
|
