Acordo unánime do emprego da forma original galega na toponímia das provincias marítimas.

acordo unánime do Pleno do Parlamento de Galiza do 19 de Abril de 2006

O Parlamento de Galiza insta ao Goberno galego a:

1.- Demandar do Goberno español a adopción das medidas legais precisas para o emprego da forma original galega na toponímia das provincias marítimas, distritos marítimos e capitanías marítimas existentes no ámbito territorial da Comunidade Autónoma de Galiza, en especial através da correspondente modificación normativa, para dar así cumprimento á Lei de Normalización Lingüística nesta materia. Con este motivo, apresentarase esta solicitude na Comisión de Expertos para o Estudo do Uso das Linguas Cooficiais na Administración Xeral do Estado.

2.- Consonte ao antes dito e unha vez modificada a denominación, se proceda a cambiar as actuais siglas de matriculación das embarcacións pertencentes á Provincia Marítima de Vilagarcía de Arousa, pola denominación “VIL”.