Axencia tributaria.

O pasado día 7 de Febreiro, o Parlamento de Galiza aprobou a Proposición non de lei doc. núm 7189, apresentada polo Bloque Nacionalista Galego, co seguinte contido literal:

"O Parlamento de Galiza insta ao Goberno galego a dirixirse ao Ministerio de Economía e Facenda do Goberno español co obxecto de garantir os dereitos lingüísticos da poboación galega nas súas relacións coa Axencia Tributaria Española concretándose, cando menos, nos seguintes aspectos:

a) Galeguización de programas informáticos e formularios nas oficinas da Axencia Tributaria Española radicadas na Galiza.

b) Garantir a opción en galego no acceso á páxina web desta institución.

c) Por norma, todas as comunicacións da Axencia Tributaria Española se realizarán en galego no ámbito da Comunidade Autónoma de Galiza.

d) Asinar convenios coa Administración Central para a formación dos funcionarios e funcionarias dependentes desta."