| Proposición non
de lei do grupo parlamentar do BNG para a non
discriminación do idioma galego nos portais
de comarcalización da Xunta de Galicia
Á Mesa do Parlamento
O Grupo Parlamentar do Bloque Nacionalista
Galego (BNG), por iniciativa do seu deputado
Eduardo Gutiérrez Fernández e
ao abeiro do Regulamento da Cámara, apresenta
a seguinte Proposición non de lei para
o seu debate en Comisión.
O portal web www.cetadec.net
/ www.comarcasdegalicia.com,
creado pola Xunta de Galiza, a través
da Secretaria de Planificación e Desenvolvimento
Territorial da Consellaria de Presidencia e
da Sociedade para o Desenvolvimento Comarcal
de Galiza, está totalmente en castelán,
se ben se indica que hai unha páxina
en galego “en construción”.
Isto significa unha discriminación da
cidadania ao non teren a opción de receberen
a información en galego: o artigo 6.3
da Lei 3/83, de normalización lingüística
sinala que “os poderes públicos
de Galiza promoverán o uso normal da
língua galega, oralmente e por escrito,
nas suas relacións cos cidadáns”.
Polo exposto, apreséntase a seguinte
Proposición non de lei para o seu debate
en Comisión:
O Parlamento insta a Xunta de Galiza a crear
a opción de galego no portal www.cetadec.net
/ www.comarcasdegalicia.com
e a que esta sexa, ademais a opción de
entrada na páxina.
Santiago de Compostela, 12 de Febreiro de
2004.
Asdo.: Eduardo Gutiérrez Fernández
Deputado do G.P. do BNG.
Xosé Manuel Beiras Torrado
Portavoz do G.P. do BNG
|
