Señor Defensor do Espectador:
Os medios de comunicación públicos están obrigados a cumprir un servizo público, non podendo ser alleos á realidade lingüística e cultural á que se deben. Porén, RTVE vive cada vez máis de costas á lingua e á cultura galega. Por iso, solicítolle que, de acordo coas facultades que ten atribuídas, realice as xestións oportunas para garantir:
- Que as desconexións de RNE e TVE para Galiza se equiparen ás realizadas para Cataluña.
- A recuperación dunha emisora de RNE en galego (Radio 4, que en Cataluña continúa existindo, mais en Galiza deixou de emitir hai anos e que o Goberno do Estado se nega a restaurar).
- Que, na emisión dixital, TVE ofreza versión en galego de todos os filmes, retransmisións deportivas e espazos infantís e xuvenís.
- Que as páxinas web de RNE e TVE conten cunha versión en galego.
Cumprimentos cordiais. |
