CINEMA.- Modificación na promoción do filme A Crise Carnívora, que Continental convida a ver de balde

Desde a produtora Continental, que tal e como informabamos desde este web convida a ver de balde o filme de debuxos animados A Crise Carnívora na súa versión orixinal en galego, indícannos que houbo unha modificación nas datas de promoción e no impreso do convite.

A campaña, que adianta o seu remate ao 2 de abril, será válida para as primeiras sesións da tarde de segunda a sexta feira (de luns a venres) e para as sesións matinais dos sábados nos cinemas que dispoñan desta, até completar aforo previsto por sesión dentro da promoción.

As persoas interesadas en ver o filme de xeito gratuíto teñen que imprimir a nova versión do convite que pode descargarse aquí e trocalo nas billeteiras dos cinemas que se indican a continuación:

-VILAGARCÍA DE AROUSA
Multicines Gran Arousa
Porto Deportivo
Explanada Tir

- LUGO
Multicines Centro 
Praza Viana do Castelo

- MONFORTE DE LEMOS
Multicines Hollywood
R/ Ramón Otero Pedraio

-RIBEIRA
Multicines Barbanza
C.C Haley. Avda da Coruña

-CARBALLO
Multicines Bergantiños
Pr. da Balsa C.C Bergantiños