CONCURSO.- Radiofusión convoca o seu XI Certame de Cartas de Amor en galego
[04/02/2010]
Pódense enviar textos, escritos en lingua galega, até o próximo día 11 de febreiro
Os premios daranse a coñecer o vindeiro 14 de febreiro
Radiofusión, Rede de emisoras municipais galegas, convoca a que xa é undécima edición dunha das súas iniciativas sociais máis senlleiras, o Certame de Cartas de amor, cuxo xurado foi dado a coñecer este pasado 2 de febreiro, Día da Candeloria, no transcurso dunha conferencia de imprensa celebrada no Concello de Fene.
Todas as persoas interesadas poden enviar os seus textos a Radiofusión até o próximo día 11 de febreiro, quer ao enderezo electrónico direccion@radiofusion.eu quer por envío postal ordinario a Radiofusión: Casa do Concello de Fene, CP 15500. O xurado dará a coñecer o traballo gañador o 14 de febreiro.
Se che interesar, eis a ligazón á noticia e bases do concurso: clica aquí.
Tamén podes acceder directamente desde o sitio www.radiofusion.eu |
