INQUÉRITO.- Un estudo da Universidade da Coruña responsabiliza os docentes de que o galego perda falantes nas aulas

O decano de Socioloxía da Universidade da Coruña, Antón Álvarez Sousa, presentou un estudo sociolingüístico onde se responsabiliza os docentes de que o galego perda falantes nas aulas desta universidade. Sinala algúns datos chamativos, como que os estudantes nacidos fóra de Galiza usan máis o idioma que os oriúndos de aquí. Tamén é de salientar que o emprego do noso idioma se dea máis no campus de Ferrol que nos da Coruña.

Ademais, o estudo conclúe que todos os sectores da comunidade universitaria coruñesa, tanto alumnos como profesores como persoal adxunto, coinciden "nunha abrumadora maioría'', en reclamar maior número de actividades formativas e recursos académicos que fomenten o emprego do galego.