Estes son só tres casos de discriminación lingüística nos últimos meses entre os que acontecen cada ano ao teu redor. Aínda que custe crelo, porque parecen situacións propias doutros tempos, o ano pasado sóubose de 28 casos de persoas acosadas no seu traballo por falaren en galego, chegando en ocasións ao despido. Neste ano en que estamos, o 2007, trascendeu que unha pediatra da Coruña prohibe, co consentimento da dirección do seu hospital, que os nenos se dirixan a ela en galego... E así cun longo etcétera.

A indiferenza e a pasividade permiten que estas inxustizas se continúen a producir na actualidade.

A Mesa pola Normalización Lingüística é unha asociación formada por máis de 3.000 persoas que desexan cambiar esta situación, para conseguir que ninguén máis sexa discriminado por querer usar o galego.

A Mesa é unha organización independente, firme na defensa dos dereitos lingüísticos, orixinal nas súas propostas, transparente na súa xestión e eficaz nos seus resultados.

A Mesa consegue deter moitas discriminacións e introducir o galego en ámbitos dos que estaba excluído. Mais só coa túa axuda será posíbel mudar isto.